Венера Крлиу има само 26 години, а веќе има завидно работно искуство зад себе.Своето образование го започнува во Nova–American High school во Скопје, по што во 2001 година го продолжува своето школување на Webster University – Geneva на отсекот Bachelor of Arts. Оттаму, во 2006 година, заминува во Блед на тамошниот универзитет за менаџмент на Young Managers Program. По враќањето во Македонија, во 2009 својата магистарска теза ја дава на University American College во Скопје. По тоа, останува на универзитетот и е назначена за Заменик извршен директор и заменик претседател на бордот на директори. Нејзините главни обврски во моментов се како заменик декан на MBA студиите и COO – Chief Operations Officer. Со тоа секојдневно, успешно прави совршен спој од уметност, психологија и менаџмент.
